Сэрүүн салхи зөөлөн үлээж шаргалтах навчсыг хийсгэх агшин намар цаг хаяанд ирснийг илтгэх мэт.
Намрын сэрүүн өдрүүдэд өөртөө итгэлтэй, дулаахан алхахад Говь брэндийн ноолууран пиджак таны төгс илэрхийлэл болно гэж найдаж байна.
Үндэсний үйлдвэрлэлээрээ тэргүүлэгч “Говь” ХК нь Монгол улсын засгийн газраас боловсруулсан Ноолуур хөтөлбөрийн хүрээнд, экспортын нэмэгдүүлэх, ажиллах хүч дотооддоо бэлтгэх нийгмийн хариуцлагын хүрээнд үйл ажиллагаагаа өргөжүүлж, Улаанбаатар хот болон Төв аймгийн Сэргэлэн суманд хэрэгжүүлэхээр хоёр төсөл эхлүүлээд байна.
- Улаанбаатар хотод эхлүүлсэн төсөл нь нийт 7,166м2 талбай бүхий оёмол болон сүлжмэлийн үйлдвэрийн өргөтгөл давхар барилга юм.
Ашиглалтад орох хугацаа: 2018 оны 12-р сарын 1
- Төв аймгийн Сэргэлэн сумын нутагт баригдах анхан шатны боловсруулах үйлдвэр нь 14,000м2 талбай бүхий ноолуурыг ангилах, угаах, самнах дамжлагуудтай цогцолбор үйлдвэр байна.
Ашиглалтад орох хугацаа: 2019 оны 4-р сарын 1
Төслийн үр дүнд 470 гаруй ажлын байр шинээр бий болж, орон нутаг, улс орны эдийн засаг болон экспортыг дэмжих онцгой ач холбогдолтой бүтээн байгуулалт болно гэдэгт итгэж байна.
Өдрөөс өдөрт өсөж, ухаан сууж байгаа хүүхдүүд бидний амьдралын мөн чанарыг улам ихээр цэцэглүүлж, аз жаргалтай дурсамжийг бүтээнэ.
Говь брэнд хичээлийн шинэ жилийг угтан пальто худалдан авалт бүрт ХҮҮХДИЙН ПАЛЬТО бэлэглэх урамшуулалт худалдааг зарлалаа.
Урин намрын гоёлоо Говь брэндээс сонгож, бяцхан үртэйгээ ижилсэх боломжийг бид танд олгож байна.
Ноолууран бүтээгдэхүүний зах зээлд шинэчлэл хийсэн хоёр талт пальто илүү нимгэн, илүү хөнгөн чанарыг эрэлхийлсэн. Заримдаа бид нэг өдөрт хоёр өөр төрхийг бүрдүүлэх шаардлага тулгардаг. Ажил хэргийн уулзалт, найзуудын цуглааны алинд ч хувирах хоёр талт пальто нь таны дотор орших мөн чанарыг сэргээнэ.
Салхины исгэрэх чимээ, өвсний шаржигнах дуу, адууны зөөлөн янцгаа наран жаргах тэрхэн агшинд байгаль эх үлгэр шивнэх мэт сонсогдоно.
Говь брэндээс салбарлан гарсан GOBI ORGANIC нь ямааны 4 өнгийн ноолуурыг аливаа будагт оруулалгүй унаган байдлыг хадгалан үлгэрийн мэт тансаг бүтээгдэхүүн болгодог нь эх дэлхийтэйгээ уусан нэгдэх мэт мэдрэмжийг төрүүлдэг.
Эрхэм таны нэрийн хуудас болсон энгийн бөгөөд тансаг пиджакуудаа ORGANIC брэндийн ноолуураар та бүхэндээ урлан гаргалаа.
Голын ус намуухан урсаж байгааг хараач! Навчис салхинд шаржигнан хийсэж, үзэсгэлэнт байгалийг цогцлооно. Уг бахдам тансаг байгалийг бид олон зуун жил өнгөрсөн ч энэ л хэвээр нь хадгалахыг хүсдэг. Тиймдээ ч Gobi Organic брэнд хүн-байгалийн зохилдлогоог өөрийн таашаалаар мэдрэх тэрхүү агшныг шинэхэн коллекциороо дамжуулан хүргэж, хад, чулууны өнгө, мод, ургамлын хэлбэр дүрстэй уусан шингэх мэт дүрслэлийг бий болголоо.
Говь брэндээс салбарлан үүссэн Gobi Organic нь цагаан, цайвар, хөх саарал, бор гэх 4 өнгөөр нарийн ширхэгтэй, үслэгээр хамгийн чанартайд тооцогдох бүтээгдэхүүнийг урладгаараа бусдаас онцлог. Энэ удаагийн коллекци сонгодог хэв маягаар олон төрлийн сүлжээс, сонирхол татам шулуун хээгээр загвараа тодотгож, тансаг хэрэглээний цоо шинэ элементийг тусгасан юм.
ХУВЦАС ЗАГВАРЫГ ӨӨРЧИЛСӨН МИЛЛЕНИАЛ ЭРИН
Говь брэнд орчин үеийн загварын салбарт ноёрхож буй гудамжны хувцаслалтаас санаа авч, 90-ээд оныг санагдуулам дөрвөлжин хээ, хатгамлыг онцолсон өвөрмөц загвартай ПИДЖАКНЫ коллекцио танилцуулж байна.
Өнгөрсөн зууныг хүртэл хувцас загвар хээнцэр, чамин байх тусмаа үнэ цэнтэйд тооцогддог байсан бол миллениал эриний үед этгээд, өвөрмөц үзлийг баримтлах болсон. Өөрөөр хэлбэл миллениал үеийнхэн бол дүрмийг үл тоомсорлогч, давхарлах урлагт суралцсан шинийг эрэлхийлэгчид юм.
Хатгамал бүрийг нэг бүрчлэн урлахад маш их хугацаа шаарддаг уг пиджакийг шинэчлэгдсэн дүрмийг дагагч залуустаа зориулан урлалаа.
Амьдралыг юу хамгийн ихээр чимдэг вэ? Дурладаг зүйлсээрээ өөрийгөө хүрээлүүлж, тав тухыг мэдрэхдээ хүн хамгаас аз жаргалтай харагддаг. Зуны намуухан үдэш хайртай хүмүүстэйгээ дарс шимэнгээ ноолууран бүтээлгээ нөмрөөд элдвийг ярилцах тэрхүү мөч танд амьдралын таашаал, мэдрэмж, тайвшралыг бэлэглэдэг гэдэгт бид итгэлтэй байна.
Говь брэндийн ноолууран аяны хөнжил болон бүтээлэг нь адал явдалтай, романтик, зугаалга гээд олон төрлийн аялалд тав тухыг дээд зэргээр мэдрүүлэх эдлэл билээ.
Гоо сайхны мэдрэмж, дизайны өвөрмөц элементүүдийг тусгасаар ирсэн хувцас загвар нь цаг хугацаа өнгөрөхийн хэрээр үргэлж хувьсан өөрчлөгдөж байдаг. Хувцаслалтад үнэ цэн, эрхэмсэг байдлыг мэдрүүлэх классик загварыг ойрын зуун жилдээ арчигдахгүй хэмээн мэргэжилтнүүд үздэг байна.
Та хувцасны шүүгээгээ олон төрлийн загвартай цамцаар дүүргэх хэрэггүй. Танд классик загварын ганцхан цамц байхад л бүх стилийг төвөггүйхэн бүрдүүлж, хүссэн дүрээ бүтээх боломжтой. Үүнд л классик загварын үнэ цэн оршдог.
Таны наадмын дээл, хээнцэр даашинзтай тохирох тод болон пастель өнгийн малгайнууд Говь брэндийн бүх салбар дэлгүүрүүдээр худалдаалагдаж байна.
Элдэв хэв маяггүй, минималист аялалд гарахаасаа өмнө чамин хийцтэй малгайгаа мартаж болохгүй шүү! Хувцас загварын түүхэнд мөрөө үлдээсэн загварлаг дизайнерууд, Парисын хээнцэр бүсгүйчүүд бүрх малгайгүйгээр хэзээ ч гадагш гардаггүй. Малгай бол энгийн нэг акссесуар бус донжтой дүр төрхийг бүрдүүлж, нууцлаг, эрхэмсэг бусдаас содон харагдуулдаг.
Зураач Н.Туяагийн уран нарийн хийцтэй бүтээлүүд принттэй шааль болон амиллаа.
Түүний сэтгэлгээний урлаг, торгон мэдрэмжинд тулгуурлаж хийгдсэн модернист, сюрреалист бүтээлүүд Говь брэндийн принттэй шаальны шигтгээ болон амилсан нь энэ юм. Хүчирхэг, дайчин, ялдам төрхүүдийг түүний бүтээлтэй хослуулан дахин давтагдашгүй нэгнийг бүтээлээ.
Зураач Н.Туяатай хамтарсан принттэй шааль зөвхөн Үйлдвэрийн дэргэдэх Төв дэлгүүрт цөөн тоогоор гаран худалдаалагдаж байна.
Энэхүү зураг авалтыг дэлхийн загварын ертөнцийг тэргүүлэгч бүсгүйчүүд болох алдарт Stella McCartney, Mary-Kate Olsen, Ashley Olsen, Phoebe Philo, Tory Burch болон Maria Grazia Chiuri дизайнеруудын хөргөөс сэдэвчилсэн болно. Дэлгэрэнгүй мэдээллийг тун удахгүй "Говь" сэтгүүлээс уншаарай.
Цэцгийн цоморлигоос төрсөн охин хүн-байгалийн зохилдлогоог холбох гүүрийг барьжээ. Тэрхүү гүүрээр алхахад ер бусын үлгэрийн мэт өнгөт ертөнц таныг угтана. Газар шороо, агаар, усны тусламжтайгаар бяцхан охин байгалийн гаралтай хөвөн даавуу, ноолуур болон торгыг нэгтгэн урлаж хөнгөн зөөлөн БАГВААХАЙ цэцэг мэт хамгийн тансаг загваруудыг бүтээсэн гэдэг.
Биед наалдахгүй, чийгийг гадагшуулах чадвартай, арьсанд харшил өгөхгүй эдгээр загвар нь өмссөн эзэндээ аз жаргалыг түгээх тэр агшинг мэдрүүлэх нь хамгийн гайхалтай.
Ардын аман зохиол, хөгжим, дүрслэх урлагийн өв сангаас улбаалан хөгжиж ирсэн цамын бүжиг нь манай оронд урлагийн хэлбэрийн хувьд хөгжлийнхөө дээд цэгт хүрсэн гэхэд болно. Өөрөөр хэлбэл цам нь зөвхөн шашны зан үйл бус Монгол үндэстний бахархал болсон өв соёлыг өөртөө шингээсэн гүн гүнзгий утгатай бүжиг юм.
Цам харайж буй бүжигчид бясалгалын аргаар Үндэсний их баяр наадмын дэвжээгээ ариусгаж, сайн сайхныг бэлгэддэг онцлогтой. Тиймдээ ч Говь брэнд цамын бүжгийг наадмын өмсгөлтэй хослуулж, өв соёлын сүр хүчийг бахархалтайгаар харуулж байна.
Зуны дэлгэр цагийг угтсан шар, ягаан, цэнхэр гэх мэт тод өнгүүд НААДАМ КОЛЛЕКЦИ-д зонхилно. Мөн монгол хээ болон дэлхийн загварын ертөнцөд трэнд болж буй цэцгэн принтийг шингээсэн нь уламжлалт дээлний загварт шинэчлэл хийсэн юм.
Хүүхдийн тань амьдралын хэв маягт өнгө нэмж, тав тухыг дээд зэргээр мэдрүүлэх Говь брэндийн #kids загварыг танилцуулж байна.
Дизайнерын уран сэтгэмж, мэдрэмжээр бүтсэн хүүхдийн загварууд чанараа огтхон ч алдахгүйгээр он удаан хугацааг элээдэг. Ялангуяа 12 хүртэлх насны охидод зориулсан уг загварууд цоглог, өхөөрдөм харагдуулахаас гадна бат бөх чанар, загварлаг байдлыг нэгэн дор цогцлоосноороо онцлог юм.
Өмнө нь бид пастелийг зөвхөн хөөсөн чихэр, макарон зэрэг амттанаар төсөөлдөг байсан бол энэ зуныг эрч хүчийг мэдрүүлэх эдгээр амтлаг өнгөөр чимэх боломжтой боллоо. Зуны улиралд цэцэгс, навчис тод өнгөөр зүсээ хувиргадаг шиг та ч бас хувцаслалтандаа шинэ төрхийг нэмээрэй. Харин цайвар арьстай бүсгүйчүүд сууриа цагаанаар сонгож, пастель өнгийн пиджак өмсөхөд илүү тохиромжтой харагдана.
Говь брэндийн эдгээр шинэ загварын пиджакууд нь өд шиг хөнгөн материалтай учраас хавар, зуны улирлыг чимэх чамин төрх юм. Их хотыг пастель өнгөөр будахад бэлэн үү?
СЭТГЭЛЭЭС УРГАСАН ЦЭЦЭГС
Говь брэнд Монгол улсын Төрийн соёрхолт зураач С.Саранцацралттай хамтарч, ШААЛЬНЫ шинэ коллекци гаргалаа.
Өвөрмөц үсний засалт, содон стилиэрээ бусдыг соронз мэт татах зураач С.Саранцацралтын дотоод сэтгэлийг илэрхийлсэн бүтээлүүд ПРИНТТЭЙ ШААЛЬ болон Говь брэндийн хэрэглэгчдэд хүрч байна.
Сэвшээ салхинд хөтлөгдөн найгах өвсний толгой, цэцэгс тэсгим хүйтнийг үл ажран байгалийн төрхөө хадгалсаар... Энэхүү байгалийн дүр зураг бүсгүй хүний гоо үзэсгэлэнтэй төгс хэлбэрээр хоршиж, сэтгэлийн амар амгалан руу хөтөлнө.
Бүсгүй хүн мөн чанараа олох тусмаа сайханд бус гандсан цэцэгсээс ч гоо үзэсгэлэнг харж чаддаг. Тус илэрхийллээр бүтсэн урлагийн бүтээл хувцас загварт хэрхэн уусаж болдгийг Говь брэнд харуулахыг зорьлоо.
Хүн бүрийн туулах зам, амьдралыг үзэх үзэл харилцан адилгүй. Харин дахин давтагдашгүй тэрхүү ертөнцөө бид стиль, хэв маягаар илэрхийлж, өөр өөрийн гэсэн өнцгөөр оршдог. Стиль бол тантай мөнхөд орших мөн чанарын илэрхийлэл юм.
Мода стилийг хурцалж, чимж байдаг болохоор эрчүүд сүүлийн үеийн чиг хандлагыг ажиглахад буруудахгүй. Орчин үед пиджак зөвхөн ажил хэргийн уулзалтад бус өдөр тутмын гангараа болж, нэмэлт аксессуарууд болох халаасны алчуур, хүзүүний болон нэхмэл ороолтууд илүү чамин төрхийг бий болгох болсон.
Yama брэнд хүчирхэг, бие даасан, эрхэмсэг нэгнийг ХАВАР, ЗУНЫ шинэхэн коллекциороо илэрхийллээ.
Таны хувьд хэн хамгийн хүчирхэг вэ? Энэ асуултад та дэлхийн нөлөө бүхий эрхэм хүмүүсийг нэрлэж магадгүй. Харин бид ХҮЧИРХЭГ нэгэн бол та өөрөө гэж хэлнэ. Бид таны харцнаас амжилт өөд тэмүүлсээр буй хэзээ ч цуцашгүй дайчин чанарыг харж байна. Хэтэрхий их гоёл чимэглэл, бие барьсан даашинз таныг огтхон ч илэрхийлэхгүй. Харин өнгөний тунг тааруулж, судалт хээ, байгаль дэлхийтэй уусан шингэсэн хэв маяг таны бодит зураглал болж чаддаг.
YAMA брэнд минималист төрхийг зөвхөн хар, цагаанаар төсөөлдөггүй. Дайчин төрхийг тань илэрхийлэх улаан, байгалийн хайрган чулууг санагдуулам саарал, элсний ширхгийн цайвар өнгүүд ХАВАР, ЗУНЫ коллекцид хүч түрэн орж ирсэн юм.
Толгойгоо ороолтоор гоёсон, смоки будалттай бүсгүйчүүд Парис, Лондонгийн загварын чиг хандлагыг тодорхойлон #chicstyle-ийг бүрдүүлдэг.
Говь брэнд #chicstyle-ийг амилуулж, принттэй шааль хувцаслалтад ямар их чимэг нэмдгийг харуулахыг зорилоо.
Өдөр тутмын хувцаслалтын төгс төрхийг бүтээх принттэй шааль нь зөвхөн хүзүүний гоёл биш юм. Толгойн чимэг болон нөмрөг хэлбэрээр зүүсэн ч та загварлаг харагдах ба байгалийн өнгө, цэцэгс, абстракт гэх мэт олон төрлийн хэлбэр дүрстэй загвараас сонгох боломжтой.
Говь брэнд Германы алдартай дизайнер Anna Von Griesheim-тай хамтарсан ОНЦГОЙ ЗАГВАРЫН ПАЛЬТОНУУДЫГ цуврал болгон танилцуулж байна.
Бидний ээжүүд 1950-иад оны үед гоёмсог бүтэцтэй, загварлаг дизайнтай пальтонуудаар гангарч байсныг мартаагүй биз дээ. Ихэнх пальто урт загвартай байсан ба босоо зах, ханцуйг үслэг эдлэлээр чимсэн нь тансаг харагдуулдаг байлаа.
Харин дизайнер Anna Von Griesheim хуучны пальтоны загварыг бидэнд дахин сануулж, хувцасны чимэг болсон деталь хэсгүүдийг улам бүр баяжуулсан нь бүсгүй хүний эрхэмсэг төрхийг тодотгож чадсан юм.
Эмэгтэйчүүдийн биед тааламжтай, хөдөлгөөнд саадгүй байхыг эрхэмлэх үүднээс загварын түүхэнд нэрээ мөнхөлсөн алдартай дизайнерууд хэлхгэр пиджакийг бүтээсэн түүхтэй. Хэлхгэр пиджакийг чимэх хамгийн чухал хэсэг бол өвөрмөц төрхтэй дөрвөлжин хээ юм. Дөрвөлжин буюу тартан хээ нь уулархаг нутагт амьдрах Шотландуудаас гаралтай бөгөөд ямар ч стилийг амилуулдгаараа онцлог.
Мөн цамц, жинсэн өмдтэй төвөггүйхэн зохицох хэлхгэр пиджакийг өмсөхдөө өнгө сонголтыг анхааралтай сонгоорой. Учир нь хувцас загварын дүрэмд нэг дор 3 төрлийн өнгө болон хээг хээтэй холих нь үзэмжгүй харагдуулдаг гэж заасан байдаг.
Орчин үед биеийн галбир тодотгосон гэхээсэээ илүү бага зэргийн томдсон классик пиджак өдөр тутмын хувцаслалтыг чимэх болсон. Энэ төрлийн пиджак ямар ч төрлийн юбка, өмдтэй төвөггүйхэн зохицох бөгөөд хэтэрхий эрэгтэйлэг харагдана гэж бүү айгаарай.
Харин пиджакныхаа дотуур хоолойтой свитер өмсөн, ханцуйгаа шууж эмэгтэйлэг стилийг бүрдүүлэх боломжтой.
Сошиал медиа
