Ноолууран гутлын арчилгаа
Ноолууран гутлын арчилгаа
ГОВЬ брэндийн ноолууран гутлыг өдөр тутамдаа гэрийн нөхцөлд хөнгөн цэвэрлэх зааврыг хэрэглэгч та бүхэнд хүргэж байна.
Доорх заавар нь зөвхөн хөнгөн, өдөр тутмын арчилгаа хийхэд тохиромжтой ба гүн бохирдолтой гутлыг ГОВЬ-ийн хими цэвэрлэгээний салбаруудад хандан цэвэрлүүлэхийг зөвлөж байна.
Ноолуур арчилгаа
Ноолуур арчилгаа
Таны хайртай ноолууран эдлэл урт удаан хугацаанд шинээрээ байгаасай гэж хүсэж байгаа бол зөв арчилгаа чухал. Бүх ноолуурыг заавал хуурай цэвэрлэгээнд өгөх шаардлагагүй. Бүтээгдэхүүний шошго дээр онцгойлон заагаагүй бол та ноолууран эдлэлээ гараар эсвэл угаалгын машинаар хялбархан угаах боломжтой.
① Амраах
Зориулалтын угаалгын шингэн хэрэглэж 18-20*С-ийн бүлээн усанд сайтар уусгана. Угаах хувцсаа угаалгын шингэнтэй усандаа хийж 10-20 минут дэвтээж амраана.
② Гараар угаах
Дэвтээсэн хувцсаа зөөлөн базаж угаах ба амрааж угаах үйлдлийг хоёр удаа давтаж хийнэ. Угаасан хувцсаа цэвэр усанд сайтар зайлж, зөөлөн базаж усыг шүүнэ.
③ Хатаах
Базаж гаргасан хувцсаа хавтгай талбай дээр хэлбэржүүлэн тавьж хатаана.
④ Индүүдэх
Хатсан хувцсаа дунд зэргийн хэмтэй индүүгээр бүтээгдэхүүнээс 0.5-1 см зайтай уураар индүүднэ.
⑤ Шаариглалт цэвэрлэлт
Индүүдсэний дараа хувцасны бөөгнөрлийг түүж цэвэрлэнэ.
⑥ Хадгалах
Цэвэрлэсэн хувцсаа зааврын дагуу эвхэж, зориулалтын уутанд хадгална.